الانجكترات ودورها في المحرك

السلام عليكم ورحمة الله وبركاته ..

دورة الوقود ربما هي اهم جزء من أي نظام أداء عالي . بدون هواء ونسبة وقود مناسب لا يمكن أن تعمل full power أو حتى يمكن أن تدمّر تمامًا مكينه جيده وجباره ! الشيء الاول للاعتبار هو أنه الوقود هو الذي يعمل القوه للمحرك.

واذا كانت كمية الهواء الذي يمكن أن تضغط عليه في السلندر كبيره, يجب أن يكون لديك الكمية المناسبة للوقود أيضًا لتتماشى معه

وهذي معادله تبين لك مقاس الانجكترات المطلوبه للمحرك

مقاس الانجكترات=عدد الاحصنه ضرب(عدد ثابت)

والناتج نقسمه على عدد الانجكترات ضرب(0.9)

ملاحظه: (عدد ثابت) يعني :

اذا كان المحرك ستريت وعليه شغلات خفافيه يكون الرقم(0.50)

واذا كانالمحرك جامد وعليه روس يحبها قلبك يكون واحد من الارقام التاليه (0.45_0.40 )

واذا كان المحرك جبار وعليه روس يحبها قلبك يكون واحد من الارقام هذي(0.45_0.55 )

واذا كان المحرك عليه سوبرشارج او تيربو يكون الرقم (0.60)

والناتج اللي يطلع لك مثلا 26 وانت عندك انجكترات 24 و 30 طبعا تختار ال30

وهذي امثله بسيطه عشان اوضح اكثر

المحرك قوته 400حصان
عدد الانجكترات 8

مقاس الانجكترات = 400 ضرب (0.5)

والناتج نقسمه على 8 ضرب (0.9)

والناتج النهائي = 27.7 يعني يبيلك تركب انجكترات 30

محرك قوته 600 حصان وعليه سوبر شارج
عدد الانجكترات 8

مقاس الانجكترات = 600 ضرب (0.6)

والناتج نقسمه على 8 ضرب (0.9)

والناتج النهائي = 42.5 يعني يبيلك تركب انجكترات 50

وهذي نبذه قصيره عن الانجكترات(ابر البنزين)

وسلامتكم

والله مشالله معلومات جدا مفيده مشكور عليها

و الله مشكوور يا نزار عالمعلومات المفيده....الله يخليك لنا انشالله